Шарена паста со кремаст тофу сос
Овој едноставен кремаст шарен оброк е лесен и вкусен. Уживајте во кремастиот сос од тофу и пропржени печурки. Секојдневен оброк што ќе ве расположи и ќе ве засити.
Состојки
- 150 гр шарени тестенини
- 300 гр тофу сирење
- 2 чешниња лук
- 1 лажице ситно сецкан ѓумбир
- 1 лажиче шеќер
- 1 ½ лажиче сол
- 1 лажиче микс од пет зачини за готвење во прав
- 2 лажици масло од сусам
- 100 гр крем за готвење од соја
- 150 гр печурки
- 2 лажици сечкан босилек
- Свежо чили за сервирање
Метод
Ситно исечкајте 1 мала лажичка ѓумбир и 2 чешниња лук. Во сад за мешање додадете 300 гр тофу сирење, сечкан лук и ѓумбир. Додадете 1 ½ лажиче сол, 1 лажиче шеќер и 1 лажиче од миксот од пет зачини за готвење во прав. Додадете 2 лажици масло од сусам и изблендирајте го сосот користејќи рачен блендер. Додадете неколку лажици вода ако е потребно и мешајте додека не се изедначи. Додадете 150 гр шарени тестенини во солена врела вода. Сварете ги тестенините – al dente. Крупно исечкајте 150 гр печурки и пржете ги околу 5 минути. Додадете ги варените тестенини и измешајте. Додадете го тофу сосот, потоа 2 лажици сечкан босилек и измешајте. Украсете со свежо чили и послужете.