Зајакнете го имунолошкиот систем со чистиот воздух во вашиот дом

Зајакнувањето на имунолошкиот систем е секогаш добра идеја, уште повеќе во есен и зима.

Нашите мали и големи деца се вратија во градинките, основните училишта, во средните училишта. Сите тие се средини полни со микроорганизми, вируси, бактерии, итн. Штом младите ќе се најдат себеси во сосема нова средина, тие мора да се навикнат на промената на распоредот и на утринската брзаница, додека пак семејството се заменува со воспитувачи и со други деца поголемиот дел од денот.

Градинката претставува средина каде што детето добива сè што е потребно за да може да се развива здраво, физички, ментално и социјално. Во исто време, тоа е и средина каде што, поради блиските контакти во групата на деца, условите се идеални за ширење на заразните болести и инфекциите, особено кога децата го поминуваат поголемиот дел од времето во затворени простории.

Есенски ефект

’Рчењето, кивањето и болките во грлото стануваат толку чести придружници на првите денови од есента. Нашето темпо на живот е, исто така, многу брзо и разновидно. Секојдневните обврски на работа и дома премногу често ни предизвикуваат стрес. Денот е пократок, а временските промени, како што се дождот, падот на температурите и маглата, влијаат на нашата благосостојба и на расположението. Меѓутоа, ако нашите малечки се разболат, тоа претставува дополнителен шок. Покрај тоа, познато е дека разни хронични воспаленија дополнително го инхибираат нормалниот развој на имунолошките клетки и нормалното функционирање на имунолошкиот систем.

Што се подразбира под имунолошкисистем во секој случај? Имунолошкиот систем е збир на органи и клетки кои го штитат телото од туѓи тела. Работата на имунолошкиот систем е да спречи микробите да влезат во телото и да ги уништат оние странски супстанции што влегуваат во телото. Кога микроорганизмите влегуваат во нашето тело, тие се нападнати од клетките во првата борбена линија: макрофаги, неутрофили, моноцити. Имунолошкиот систем работи релативно оптимално ако ги има сите потребни супстанции за неговото функционирање. Дисфункцијата на имунолошкиот систем може да се манифестира во повторливи, долготрајни инфекции. Габичните инфекции, исто така, можат да бидат показател за дефект во имунолошкиот систем.

Значи, за секој да биде здрав, многу е добра идејата да се зајакне имунолошкиот систем. Многу настинки и болести може да се избегнат имајќи ги предвид следниве работи:

• здрава шарена исхрана,
• редовно вежбање,
• доволно течност во облик на чај или вода,
• редовно проветрување на просториите за живеење,
• правилна хигиена на рацете,
• и таканаречени засилувачи во форма на додатоци во исхраната.

Подгответе здрав режим на исхрана

Исхраната што содржи многу зеленчук (со различни бои), квалитетно месо и производи од цели зрна, треба да биде основа за здрав имунолошки систем и значително да придонесе за нашата благосостојба. Добра идеја е да обрнете внимание на тоа како се мијат садовите по јадењето. Машините за миење садови на Горење ќе ви помогнат да ги исчистите садовите, приборот и сите други додатоци на приборот за консумирање на најздравите оброци. Проверете ги нашите машини за миење садови Горење – овие домашни апарати се дизајнирани да обезбедат дополнителна поддршка за здрав живот. Ние дури и подготвивме неколку здрави рецепти кои ќе го одржат вашето тело подготвено за какви било предизвици – големи или мали.

Ве молиме, движете се

Редовните, безбедни и соодветно интензивни вежби треба да бидат на распоред на секого барем 2-3-пати неделно. Вежбањето е особено важно за децата. Ако не се запишани на какви било спортски активности, проверете дали вежбаат доволно дома.

Студеното време ви служи како изговор? Нема потреба. Не е неопходно настинатото дете што има настинка да остане во станот цел ден. Сувиот и нечист воздух дополнително ја суши слузокожата на горниот дел од респираторниот тракт. Ако вашето дете нема треска, подобро е да излезете надвор, да вдишете свеж воздух и да престојувате во природа.

Хидрирајте се редовно

Сите знаеме дека пиењето чај и вода има корисен ефект на нашата благосостојба. Доволно течност во телото обезбедува правилно функционирање на телото. Иако често не чувствуваме жед во зима, добрата хидратација е многу важна. Паметните белегзии, часовници и мобилни телефони можат да послужат како одлични потсетници за да се напиеме почесто понекоја голтка.

Пуштете свеж воздух во домот

Во вашиот дом или стан секогаш мора да има свеж воздух. Редовната вентилација наутро ќе го разбуди вашиот мозок додека вентилацијата навечер ќе ја направи топлината под ќебето уште попријатна.

Може, исто така, да се потпрете на старите добри начини за да ја одржувате свежината на воздухот. Наутро отворете ги прозорците во вашиот дом што се поставени спротивно еден на друг, за да дозволите раноутринското провејување ветрето да влезе во вашиот дом и во него да внесе свеж воздух. Овие природни текови на свежиот воздух се неопходни за одржување на вашиот метаболизам и на другите витални функции. Оставете ја природата да тргне по својот пат.

Мијте ги рацете

Да, секој ја слушнал оваа реченица илјадапати – особено како дете. Хигиената на рацете е исклучително важна за да се спречи ширење на микроорганизмите, вирусите и бактериите. Затоа, мијте ги рацете редовно и правилно. Тоа е толку едноставно.

Зајакнете ја одбраната на вашето тело

Можете да го направите тоа со хомеопатијата, пробиотиците и со витамините Ц и Д3, кои се покажаа како мошне ефикасни во зимските месеци. Пред да внесете зајакнувачи на имунолошкиот систем, потребно е правилно да бидете информирани за сите додатоци и да се консултирате со експерт, особено ако има хронични заболувања во вашето семејство.

Ви посакуваме колку што е можно помалку затнати носови и трески.