Вегански мајмун-мафини

Овие вкусни чоколадни мафини во облик на симпатични мајмуни ќе бидат тема на разговор по секое роденденско прославување на кое ќе се појават.

Состојки

• 2 банани со средна големина
• 1 супена лажица семе од лен + 2 супени лажици вода
• 1 1/2 мало лажиче сода бикарбона
• 100 gr кафеав шеќер
• 40 gr путер од кикирики
• 1 мало лажиче екстракт од ванила
• 2 супени лажици кокосово масло
• 30 gr какао во прав
• 140 gr овесно брашно
• 50 gr мелени сирови нелупени бадеми
• 60 gr црно чоколадо

Метод

Излупете ги двете средни по големина банани, поделете ги на парчиња и додадете ги во еден сад за мешање. Во садот додадете 1 лажица семе од лен и 2 лажици вода, а потоа изматете сè со виљушка. Додадете ги сите суви и влажни состојки и нежно мешајте, користејќи шпатула, додека сè не се соедини. Наполнете 12 калапи за мафини до две третини од волуменот и печете 20-25 минути на 180 °C на централно поставената решетка користејќи ги горниот и долниот грејач. Оставете мафините да се оладат и украсете ги со ганаш (прелив) од темно чоколадо. Завршете го украсувањето на мафините со парченца од марципан во форма на делови што посетуваат на мајмун или направете декорации користејќи фондан.