Рецепт за кимчи Буда во длабока чинија
Здрава, едноставна и преполна со сите добри работи ‒ оваа длабока кимчи-чинија лесно се прави и ќе ги импресионира дури и најпребирливите јадачи.
Состојки
Состојки за длабоката чинија:
- 140 гр црвен ориз
- 300 гр цветчиња од брокула
- 2 лажици маслиново масло
- ¼ лажичка сол
- ¼ лажичка црн пипер
- 200 гр кимчи
- 4 лажици пченкарни зрна, пржени
Состојки за прелив со таан:
- 60 гр таан
- 1 лажичка сенф dijon
- 1 чешне лук, изрендано
- ¼ лажичка сол
- ¼ лажичка црн пипер
- 1 ½ лажица сок од лимон
- 1 лажица јаворов сируп
- 2 лажици ладна вода
- 2 лажици маслиново масло
Метод
Сварете 140 гр црвен ориз во тенџере со посолена зовриена вода. Оризот варете го 15-20 минути на средна температура. Измешајте 300 гр цветови од брокула со 2 лажици маслиново масло, ¼ лажичка сол и ¼ лажичка црн пипер, а потоа рамномерно распоредете ја брокулата на подмачкан сад за печење. Печете ја брокулата на 200°C со вклучена вентилација 15 минути или додека рабовите на брокулата не станат кафени и крцкави. Додека брокулата се пече, подгответе го преливот со таан, комбинирајќи 60 гр таан, 1 лажичка сенф, 1 мелено чешне лук, ¼ лажичка сол и ¼ лажичка црн пипер, и сето тоа во мал бокал. Додадете 1 ½ лажица сок од лимон, 1 лажица јаворов сируп, 2 лажици ладна вода и 2 лажици маслиново масло, изматете додека не се изедначи. Сварениот црвен ориз, печената брокула и кимчи-смесата рамномерно поделете ги помеѓу два сада, посипете ги со крцкави зрна од пченка и полејте го преливот од таан.
