Крем супа од тиквички и кокосово млеко
Оваа супа се служи додека е топла, но исто така, во топлите денови, можете да уживате во неа кога е разладена.
Состојки
- 3 тиквички
- 3 чаши супа од зеленчук
- 1/3 чаша кокосово млеко
- 2 чешниња лук
- 1 лажица свежи листови од нане
- Маслиново масло, сол, бибер
Метод
Ситно исечкајте ги чешнињата лук и изрендајте ги тиквичките. Загрејте го маслиновото масло во голем сад, на средна температура, додадете ги ренданите тиквички и сечканото свежо нане. Гответе 4 или 5 минути, додека тиквичките не почнат да омекнуваат. Зачинете ги со сол и со свежо мелен црн бибер. Додадете 3 чаши супа од зеленчук, нека почне да врие, а потоа намалете ја температурата на средно ниска и нека се готви 10 минути.
Тргнете ја супата од ринглата и оставете да се излади околу 10 минути. Измиксирајте ја супата со рачен блендер, сѐ додека супата не ја добие својата мазна текстура. Промешајте со 1/3 чаша кокосово млеко, загрејте ја и зачинете по вкус, со сол и црн бибер.
