Како да приредите одлично гастрономско искуство? 10 гурмански принципи.
1. Користете ги само најдобрите состојки. Тие се срцето на оброкот. Како ги наоѓате најдобрите состојки? Користете ги вашите сетила кога ја полните кошницата. Мирисните, допрете, слушнете, гледајте.
2. Не купувајте на денот кога очекувате гости. Зошто да се изложите на стрес доколку не најдете одредена состојка во продавницата тој ден?
3. Бидете едноставни. Колку е поедноставно, толку подобро. Готвењето не е тешко.
4. Наострете ги ножевите пред да почнете. По вашите раце, ножот е најважната алатка. Подобро е да имате еден добар нож отколку неколку тапи. Не заборавајте да го измиете ножот со сапун и со топла вода кога се префрлате од една храна на друга.
5. Дајте си доволно време за да уживате додека работите. Готвењето не треба да претставува обврска туку треба да претставува уживање. Ако сте приврзаник на контролата, планирајте го процесот и прегледајте го рецептот однапред, за да не дојде до неочекувани изненадувања.
6. Направете компромис. Ако сте притиснати со времето, не плашете се да го користите конзервираното гравче, добар готов купен дресинг за салатата и претходно сварените компири од фрижидерот. Добри готвачи се оние кои не се фанатици.
7. Бидете добри кон себеси и мислете „одлично сум, ова ќе биде вкусно“! За негативната енергија нема место во кујната.
8. Подгответе се за празниците како што тие доаѓаат и мислете на целиот оброк. Изберете контрасти кога го составувате менито: крцкаво, меко, топло, ладно, зачинето, благо, чоколадно кафено, црвено како јагода, жолто и сино. Вашето чувство за вкус и за изглед копнее по нови искуства.
9. Оставете го месото да се одмори по пржењето, тогаш тоа ја задржува влагата и не истекува целиот сок кога ќе го пресечете. Непотребно е да се каже дека крвавиот сок од месото, што се меша со вашиот прекрасен сос во чинијата, не изгледа многу примамливо и вкусно.
10. Оставете ги гостите да ја чекаат храната, не дозволувајте храната да ги чека гостите. Одржувањето на топлината на храната е смрт за храната. Секогаш започнете со јадењето што најдолго се приготвува пред да пристигнат гостите. Потоа можете да се концентрирате на билките и на кревкиот зеленчук и на сè друго што треба брзо да се послужи.
