Најдобри начини за чување зеленчук и овошје за зима

Пролетта и летото не само што ни овозможуваат благодат кога имаме сончевото време и релаксираната атмосфера, туку тие исто така ни нудат изобилство од сочно овошје и зеленчук. Тука се црешите, сливите и разни видови бобинки, па домати, краставици и други вкусни зеленчуци, во градините што натежнуваат од род во пролетните и во летните денови. Би било штета, дел од овој род да не се чува за зимата.

Сушење: Сушењето ја конзервира храната со намалување на содржината на влагата, со што се спречува расипувањето на плодовите. Од билки, зеленчук и овошје, до месо и риба – токму сè може да се исуши. Храната може да се суши на неколку начини; или на воздух кога има топла и сува клима, во рерна или со користење на дехидратор. Препорачливо е да се исуши само еден вид храна одеднаш и да се изрежат овошјето и зеленчукот на парчиња со иста дебелина.

Маринирање: Секој свеж зеленчук, па дури и некои плодови, како ананас и боровинки, може да се маринираат. Само додадете оцет, билки или зачини по ваш избор, сол и шеќер, ако е потребно. Маринирањето е добар начин за зачувување на лесно расипливата храна, на неколку месеци. Сепак, не заборавајте: киселата храна не е исто што и конзервирана храна.

Конзервирање: Храната што е конзервирана се чува во тегли или во други херметички затворени садови, кои се стерилизирани со изложување на одредена температура. Може да се впуштите во конзервирање со вода, кое вклучува полнење на теглите со закиселена храна, како што се домати или краставици во оцет, покривајќи ги теглите со капаци и варејќи ги во вода, додека не се формира печат под капакот. Или може да се одлучите за понапреден метод, наречен конзервирање со притисок.

Зашеќерување: Вкусните џемови и мармалади, послужени со путер и со свежо исцеден сок од портокал, се одличен избор за зимски појадок. Затоа, дофатете го вашето омилено овошје, варете го за да ја намали содржината на водата и додадете шеќер, за да се спречи повторно развојот на бактериите.

Замрзнување: одлично е тоа што ручекот е подготвен за време на работните недели кога сте зафатени. Замрзнатите оброци може да се извадат од замрзнувачот, да се стават во фрижидерот во текот на ноќта и да се зготват само тогаш кога ќе треба да јадете. Дополнително, овошјето и зеленчукот во вашиот замрзнувач се добар избор за правење вкусни десерти или вкусни сосови за време на студените зимски викенди.