Како да се зголеми хранливата вредност на вашата храна

Го купивте најдоброто авокадо, го наполнивте фрижидерот со кељ и складиравте суперхрана. Но дали знаете како најдобро да ги искористите хранливите материи во вашата здрава храна?

1. Колку е пократок патот до вашата маса, толку подобро! Најголема загуба на витамините и на минералите се случува во периодот од бербата на производите до нивното консумирање. Затоа е подобро да се одлучите за храна што се одгледува во вашата околина, и тоа ако не од вашата градина, тогаш од некој фармер во близина.

2. Фрижидер наспроти собна температура? Иако можеби изгледа како побезбеден избор, чувањето на храната во фрижидер не секогаш претставува подобра опција. Доматите, компирите, кромидот и лукот треба да се чуваат на собна температура. Истото важи и за сите тропски плодови, вклучувајќи ги и бананите.

3. Не плашете се од замрзнувачот. Кога знаете дека нема веднаш да ја користите храната, подобро е да ја замрзнете. Замрзнатото овошје и зеленчукот задржуваат

повеќе витамини и минерали отколку ако се оставени на собна температура или во ладилникот. Исто така, ќе ги збогатите вкусовите и здравствените придобивки од свежите билки, ако ги чувате исечкани и замрзнате во коцки за мраз.

4. Варено или сирово? Ако сакате максимално да ја збогатите храната со хранливи материи, треба да научите која храна е подобро се јаде сирова (на пример брокулата или руколата), а која е подобро да се обработува (како аспарагусот, гравот и компирите).

5. Користете ја технологијата. Откако ќе се осигурите дека храната е колку што е можно похранлива, користете ја технологијата. Побарајте фиока за зеленчук опремена со посебно светло и механизам за регулирање на влажноста, која ќе овозможи вашето овошје и зеленчукот да останат свежи подолг временски период и да задржат повеќе минерали и витамини.