Ткаенини погодни за топлите летни денови

Сончевите летни денови едноставно нè повикуваат да поминеме колку што е можно повеќе време на отворено. Но, како да останете разладени на топлото време? Сето тоа зависи од ткаенината што ја носите.

Памук: Најчесто користен природен материјал. Станува збор за мека, апсорбирачка ткаенина, ткаенина што дише, што дозволува воздухот да циркулира, па затоа таа е вистински избор за претстојното лето. Дополнително, брзо се суши и има антиалергиски својства.

Лен: Низ облеката направена од лен кожата лесно дише  и таа има апсорбирачки карактеристики. Нејзина лоша страна е тоа што таа лесно се тутка, па затоа не е многу пригодна за формални пригоди.

Свила: Кожата помалку дише низ оваа ткаенина во споредба со памукот и ленот, но сепак претставува совршен избор за облекување во летните пригоди. Само имајте на ум дека треба избегнувате облека направена од тешка свила.

Вискоза: Некои велат дека вискозата е добра за летото, додека други не ја сакаат поради нејзината синтетичка природа. Без разлика на вашиот избор, тоа е мека, мазна и удобна ткаенина, која убаво ве обвиткува.

Чувајте се од: синтетичките ткаенини, како што се полиестер и најлон. Не практикувајте ткаенини што се отпорни на вода и ќе ве препотат на летната топлина.