Најлесен начин ги убедите децата да си ги исполнуваат обврските

Убедувањето на вашите деца да помогнат околу домашните работи не мора да претставува постојана борба. Еве пет совети кои ќе ви помогнат да ги убедите вашите деца да ги извршуваат своите задолженија за кратко време без да негодуваат. Загарантирано!

1. Бидете упорни. Воведувањето на децата во новите обврски може да предизвика некаков првичен отпор. Особено ако тие биле навикнати вие да правите сѐ место нив. Но бидете упорни и наскоро ќе видите промена во нивното однесување.

2. Направете да изгледа како игра. Претворете го спарувањето на соодветните чорапи во национално првенство или собирањето на играчките во мисија за спасување во која тие се суперхерои. Не само што задачата ќе ја извршат за половина време со помалку проблеми, но вие и вашите деца ќе се забавувате во самиот процес.

3. Оставете ги вашите високи стандарди. Значи, сите маички нема да се свиткаат сосема на ист начин и може да остане прашина овде-онде. Спротивставете се на нагонот да велите „Еве, дозволете ми да го сторам тоа“ и гледајте ги вашите деца како стануваат одговорни и компетентни поединци.

4. Награда! Луѓето сакаат да бидат наградени за нивната работа и децата не се исклучок. Затоа, бидете сигурни дека тие знаат каква прекрасна работа прават и колку сте среќни затоа што помагаат.

5. Позитивна мотивација. Налепници и графикони, дополнителна книга пред спиење или дури и парче благо понекогаш може да направи чуда за работниот морал. Некои би можеле да го наречат поткуп, ние тоа го нарекуваме средување на работите.