Дали знаете како правилно да ракувате со храната?

За многу луѓе кујната е најважниот дел од домот. Тоа е местото каде што го почнувате денот со појадок и каде што го поминувате времето подготвувајќи ја вечерата со вашето семејство. Сепак, постои и опасност што демне во кујната – несоодветното ракување со храната може, во најлош случај, да предизвика труење со храна. Затоа е важно да научите како правилно да ја обработувате храната. Подолу можете да најдете неколку корисни совети што ќе ја направат вашата кујна пријатна и безбедна.

1. Секогаш мијте ги рацете пред да ракувате со храна.

2. Производите од животинско потекло, зеленчукот и овошјето се најмногу подложни на развојот на токсини и бактерии. Секогаш чувајте ги одвоени од друга храна во вашиот фрижидер и за нив користете посебни даски за сечење.

3. Ставете ги остатоците во помали садови за чување, бидејќи тоа ќе помогне храната да се олади побрзо. Ставете ги садовите со остатоците во ладилник или во замрзнувач, во рок од 2 часа по готвењето.

4. Храната никогаш не треба да се чува во топла средина премногу долго, бидејќи тоа им овозможува на бактериите да растат и да се шират побрзо. Чувајте ги вашиот ладилник и замрзнувачот чисти и на соодветна температура (ладилникот под 6°C и замрзнувачот на -18°C).

5. Ако сте во неизвесност дали нешто е сѐ уште за јадење или не, не ризикувајте – отстранете ја храната што можеби е расипана.