Slovenija | Magyarország | Hrvatska | Srbija | Polska | Россия | Österreich | România | България | Северна Македонија

Енергетски шампиони – економични и еколошки

Зелена енергија

Тимот на програмери и инженери на Горење повторно успеа. Нашите најнови машини за перење од линијата WaveActive обезбедуваат совршена комбинација на технологија за одлични резултати при перење со многу мала потрошувачка на енергија. Секогаш кога и да ја користите машината.

Во текот на две и пол децении, Европската Унија користеше скала за енергетска ознака, од A+++ до G, за да обезбеди побогати информации при купувањето за ефикасноста на електричните и на електронските уреди. Со текот на времето, овој стар систем стана тежок за разбирање, бидејќи речиси секој нов апарат добиваше рангирање со ознаката А со по уште некој плус.

Сега постои нов систем за означување. Поедноставената, но сепак построга скала A-G е многу појасна за клиентите, бидејќи ги исклучува класите со знак(ци) „+“. Кога беше воведен овој систем за означување, многу малку производи првично беа во можност да го постигнат рејтингот „А“, оставајќи простор во иднина да бидат вклучени поефикасни производи.

Иднината пристигна

Нашите технички експерти го сфатија тоа како посебен предизвик и поставија цел повеќето машини за перење веќе да го постигнат новиот начин на постигнување рејтинг со еколошката ознака „А“. Тие го направија тоа на следниот начин.

„Срцето на секоја нова машина за перење на Горење од линијата WaveActive е со инвертер мотор наречен PowerDrive. Овој тивок и многу ефикасен мотор е дизајниран да обезбеди долг животен век на вашата машина за перење, заштедувајќи енергија при секој циклус“, објасни главниот менаџер на производите во Горење и додаде: „Воведувањето на инвертер-мотори наместо универзалните ни овозможи да преминеме од енергетските класи D и C, на енергетските класи B и A, одржувајќи ја истата цена и овозможувајќи подолг век на траење на апаратот. Денес, повеќето од нашите апарати за перење и миење имаат оценка со еколошка ознака А, што претставува фантастично достигнување, бидејќи индустриските аналитичари предвидуваа дека на производителите ќе им бидат потребни неколку години за да стигнат дотука“.

Environmental friendly energy

Максимална ефективност

Новите машини за перење располагаат и со неколку нови сензори кои им овозможуваат подобро да ги читаат условите во нив. Во комбинација со напредните нови алгоритми, новите машини од линијата WaveActive се попрецизни кога станува збор за откривање на количината на алиштата во барабанот, обезбедувајќи до 30% помала потрошувачка на вода и енергија годишно. Значи, не правете грешка, заштедите јасно ќе се отсликаат на сметките за струја и на вашиот паричник.

И сето тоа се случува автоматски, без интервенција на корисникот. Штом машината за перење ќе се наполни со алишта, мозокот на технологијата ја презема работата и се грижи за приспособување на времето за перење на сите програми.

Алгоритмот за дозирање на водата е, исто така, поставен на повеќе нивоа, па затоа ја приспособува количината на водата според видот и количината на алиштата. На овој начин, машината дава подобри резултати при перењето на алиштата, додека има друга придобивка. Попрецизното дозирање на вода овозможува порамномерна распределба на алиштата во барабанот, што го подобрува и циклусот на центрифугирањето.

Сѐ е поврзано со искуството на корисникот

Експертите на Горење се залагаат да обезбедат оптимални резултати при перењето, но вие постојано се наоѓате во нивните мисли. Оживувањето на едно совршено корисничко искуство, исто така, значи дека треба и да се преземе нешто во врска со бучавата што ја создава машината за перење за време на работењето. Дури и ако нема оценка од рангот А за бучавата што ја прават домашните апарати, нашиот технички тим се предизвика себеси и на тој план. Со користење на инвертер-мотор, машината за перење работи значително потивко за време на сите циклуси на перењето, а сите гореспоменатите паметни технологии, исто така, обезбедуваат помалку шум во последниот (и најбрзиот) циклус на центрифугирање, едноставно обезбедувајќи подобро искуство за корисникот.

Да, ние сме многу горди на нашите машини за перење од линијата WaveActive, а исто така, горди ќе бидете и вие.

Животот е комплициран. Да го направиме одржувањето на алиштата поедноставно.

WaveActive машините за перење користат напредни технологии за супериорни резултати на перење:
  • Уникатно дизајнираниот барабан во комбинација со брановидните 3D ребра ја омекнуваат ткаенината и овозможуваат најнежно перење.
  • IonTech ја користи моќта на природниот процес на јонизација, што овозможува оптимални резултати во перењето, без висока температура и без употреба на дополнителни хемикалии.
  • SteamTech за дополнителен третман со пареа која ги намалува наборите, алергените и бактериите.
Прочитај повеќе
Сподели:

Можеби би сакале да прочитате